sábado, 6 de abril de 2013

A fame e os Obxectivos do Milenio


Ao longo da primeira semana de abril de 2013 celebrouse en Madrid a Cumbre sobre Fame e Seguridade Alimentaria. Entre outros labores, esta reunión revisou un dos Obxectivos de Desenvolvemento do Milenio: o de erradicar e pobreza extrema e a fame no mundo.
Jose Graziano da Silva director, xeral da Axencia de Nacións Unidas para a Alimentación e a Agricultura (FAO), manifestou que a fame no mundo non é un problema de falta de recursos senón de acceso das poboacións famentas aos alimentos.
Lembra que os Obxectivos do Milenio son metas de desenvolvemento humano fixadas en 2000 que os 192 países membros das Naciones Unidas (ONU) acordaron acadar en 2015. Son: erradicar a pobreza extrema e a fame; acadar o ensino primario universal; reducir a mortalidade infantil; mellorar a saúde materna; combatir o VIH/SIDA, o paludismo e outras enfermidades; garantir a sustenibilidade do medio ambiente; fomentar o asociacionismo mundial para o desenvolvemento.

No hay comentarios:

Publicar un comentario